తారాగణం: బిపాషా బసు, కరణ్ సింగ్ గ్రోవర్ , సోనాలి రౌత్ తదితరులు
రచన : విక్రమ్ భట్
దర్శకత్వం: భూషణ్ పటేల్
నిర్మాతలు : విక్రమ్ భట్ మరియు మికా సింగ్
ఈ లాక్ డౌన్ సమయంలో సినిమాలతో పాటు వెబ్ సిరీస్ లను సమీక్షించే శ్రేణిని కొనసాగిస్తూ.. నేటి వెబ్ సిరీస్ గా వచ్చిన వెబ్ సిరీస్ ‘డేంజరస్’. భూషణ్ పటేల్ దర్శకత్వం వహించారు. ఈ సిరీస్ ఎమ్.ఎక్స్ ప్లేయర్ లో అందుబాటులో ఉంది. మరి ఈ సిరీస్ ఎలా ఉందో సమీక్షలో చూద్దాం.
కథా నేపథ్యం :
ఆదిత్య ధన్ రాజ్ (కరణ్ సింగ్ గ్రోవర్) యూకెలో పెద్ద వ్యాపారవేత్త. అతను భార్య దియా ధన్ రాజ్ (సోనాలి రౌత్) మిసైపోతుంది. దాంతో ఆదిత్య ధన్ రాజ్ తన భార్య దియా ధన్ రాజ్ మిస్సింగ్ కేసును నివేదించడానికి పోలీసులను పిలుస్తాడు. ఈ క్రమంలో ఈ కేసు విషయంలో భాగంగా ఆదిత్యతో అతని గతాన్ని పంచుకునే బాధ్యతను నేహా (బిపాషా బసు) కు అప్పగిస్తారు. ఇంతకీ ఆదిత్య భార్య ఏమైంది ? ఈ కేసును పరిష్కరించడంలో నేహా ఎలా సహాయపడింది? ఇంతకీ మూడు ముఖ్య పాత్రల మధ్య అసలు అపరాధి ఎవరు అనేది మిగిలిన కథ.
ఏం బాగుంది :
తెర పై చాలా కాలం తర్వాత బిపాషా బసును చూడటం బాగుంది. ఆమె తన పాత్రకి తగినంత ఆకర్షణీయంగా కనిపిస్తూ తన పాత్రలో చాల బాగా నటించింది. ఇక ఈ సిరీస్‌లో కరణ్ గ్రోవర్‌తో కెమిస్ట్రీని పంచుకునే సీన్స్ లో బిపాషా నటన హైలైట్ అనిపిస్తోంది. ఇక విసుగు చెందిన భార్యగా సోనాలి రౌత్ చక్కగా నటించింది. ఈ సిరీస్ లో మంచి నిర్మాణ విలువలు ఉన్నాయి. మికా పాడిన పాటలు కూడా కథనంలో చక్కగా ఉన్నాయి.
కథలో మలుపులు మరియు ప్రారంభ ఎపిసోడ్లలోని సీన్స్ చాల బాగున్నాయి. తరువాతి ఎపిసోడ్లలో ఇతివృత్తం కొంచెం హింసించదగినది అయినప్పటికీ, మంచి ప్లేతో వివరించబడిన విధానం బాగుంది. సస్పెన్స్ నిండిన ఎపిసోడ్లు చక్కగా రూపొందించబడ్డాయి. మరియు స్ఫుటమైన రన్‌టైమ్ ప్రేక్షకులకు చాలా రిలీఫ్ ఇస్తోంది. ఇక కథను లాగడానికి ఎలాంటి ప్రయత్నం జరగకపోవడం, అలాగే ఎలాంటి అదనపు సన్నివేశాలు జోడించబడనందున ఎడిటింగ్ కూడా చాలా బాగుంది.
ఏం బాగాలేదు :
కథ చక్కగా ఉంది కానీ హీరో కరణ్ సింగ్ గ్రోవర్ కోణం నుండి స్పష్టంగా లేదు. అతని ఉద్దేశ్యం మరియు అతను తన భార్యతో ఎందుకు చాలా సమస్యలను ఎదురుకున్నాడు ? ఇంతకీ బిపాషా బసుతో గతంలో ఎందుకు విడిపోయాడు, ఇవన్నీ తర్కం లేకుండా సాగడం కాస్త ఇబ్బందిగా అనిపిస్తోంది.
అలాగే మధ్యలో కొన్ని ఎపిసోడ్లు స్పష్టంగా చూపించలేదు. తద్వారా ఈ సిరీస్‌లోని భావోద్వేగాలు లైట్ గా అనిపిస్తాయి. అలాగే మెయిన్ ట్విస్ట్ నిస్తేజంగా ఉండటంతో చివరి ఎపిసోడ్ నిస్తేజంగా ఉంటుంది. ముగింపు ఆకర్షణీయంగా ఉండి ఉంటే బాగుండేది.
చివరి మాటగా :
మొత్తం మీద, ఈ డేంజరస్ అనే సిరీస్ మంచి కథ మరియు సస్పెన్స్ ఉన్న వెబ్ సిరీస్. బిపాషా బసు నటనతో పాటు ఆమె ట్రాక్ కుడా ఆసక్తికరంగా ఉంది. అయితే అక్కడక్కడా ప్లే మందకొడిగా సాగడం, మరియు కొన్ని లాజిక్‌ లెస్ సీన్స్ బాగాలేకపోవడం మినహాయిస్తే, ఈ లాక్ డౌన్ సమయంలో ఈ సిరీస్ హ్యాపీగా చూడొచ్చు. మీకు మంచి టైం పాస్ అవుతుంది.
Rating: 2.75/5